„ჯერ მანქანას უკნიდან დაეჯახა, შემდეგ ბორდიულს… სხვასთნა მიმავალმა სასწრაფომ დაინახა“ – როგორ მოხდა საზარელი ავარია, რომელსაც 21 წლის ბაიკერი გოგონა ემსხვერპლა?
ვარკეთილში მომხდარ ავარიას 21 წლის გოგონა, ბაიკერი ელენე ექვთიმიშვილი ემსხვერპლა. ავტოსაგზაო შემთხვევა გუშინ მოხდა და გოგონა ადგილზე გარდაიცვალა.
“ჩვენი ლამაზი ელენე მანქანას ძალიან კარგად მართავდა. წელს აიღო ჩუმად მართვის მოწმობა მოტოს კატეგორიაზე და მხოლოდ შემდეგ გაამხილა ეს ამბავი. თავისი ფულით უყიდია მოტოციკლი…
დედას ძალიან არ უნდოდა, რომ მის შვილს მოტოთი ევლო. დედას მისცა პირობა, სულ ცოტა ხანი და გავყიდიო…
როგორც ჩანს, სწრაფად მიდიოდა. მანქანას უკნიდან დაეჯახა და შემდეგ ბორდიულს. სხვასთან გამოძახებული სასწრაფო შეესწრო ამ ავარიას. სასწრაფოდ გადაიყვანეს კლინიკაში, მაგრამ სამწუხაროდ, ჩვენი გოგო საავადმყოფოში მიყვანისთანავე გარდაიცვალა…
დედაც და ძმაც ძალიან ცუდად არიან. არ ვიცი, ცოცხლებზე ვინერვიულო თუ გარდაცვლილი ვიტირო“, – განაცხადა ” “კვირის პალიტრასთან” გარდაცვლილის ნათესავმა.
