ცნობილია ჯამურად რა თანხა გამოიმუშავა პარი სენ-ჟერმენმა ჩემპიონთა ლიგაზე და რა ფულადი პრიზი შეხვდება ბონუსის სახით კვარაცხელიას

პარი სენ-ჟერმენი ჩემპიონთა ლიგის გამარჯვებულია – ზედიზედ მეორედ ყველაზე პრესტიჟული ევროპული საკლუბო ტურნირი ხვიჩა კვარაცხელიას გუნდმა მოიგო.

ბუდაპეშტში, „პუშკაშ არენაზე“ გამართული „პარი სენ-ჟერმენისა“ და ლონდონის „არსენალის“ მატჩი ბოლო წლებში ერთ-ერთი ყველაზე დაძაბული გამოდგა – პარიზელებმა მეტოქე პენალტების სერიაში დაამარცხეს – 1:1 (4:3).

ხვიჩამ მეორე ტაიმში თერთმეტმეტრიანი მოიპოვა და მნიშვნელოვანი როლი ითამაშა ანგარიშის გათანაბრებაში.

სამწუხაროდ კვარაცხელია მეორე ტაიმის მიწურულს გაიყვანეს, რადგან ტრავმის გამო ფინალში ბოლომდე თამაში ვერ შეძლო.

როგორც ცნობილია, პარიზულმა გრანდმა ჯამურად 170 მილიონ ევროზე მეტი გამოიმუშავა.

აღნიშნული თანხიდან რა თქმა უნდა ფეხბურთელებიც მიიღებენ გარკვეულ ბონუსებსაც და სოლიდური ფულადი საჩუქარი ხვიჩა კვარაცხელიასაც ერგება.

გავრცელებული ინფორმაციით, თითოეული ფეხბურთელი დაახლოებით 1 მილიონ ევროს მიიღებს.