ცნობილი რეჟისორი საკუთარ სახლში მოკლული იპოვეს

ცნობილი ამერიკელი რეჟისორი რობ რაინერი და მისი მეუღლე მიშელი საკუთარ სახლში გარდაცვლილები იპოვეს.

პოლიცია მომხდარს იძიებს, როგორც ორმაგ მკვლელობას.

78 წლის რაინერის და მისი 68 წლის მეუღლის ცხედრები 14 დეკემბერს აღმოაჩინეს. რამდენიმე მედიასაშუალება წერს, რომ საქმეში მთავარი ეჭვმიტანილი წყვილის ვაჟი ნიკია, რომელიც დიდი ხნის განმავლობაში ნარკოდამოკიდებული იყო.

50-წლიანი კარიერის განმავლობაში რობ რაინერმა 90-ზე მეტ პროექტში ითამაშა, თუმცა დიდი პოპულარობა მოიპოვა, როგორც რეჟისორმა. მისი ყველაზე ცნობილი ნამუშევრებია: „როცა ჰარი შეხვდა სალის“, „უძინარნი სიეტლში“, „პატარძალი პრინცესა“, „უოლ-სტრიტის მგელი“ და ა.შ.