“სიკვდილამდე ზუსტად 5 წუთით ადრე ველაპარკე ჩემს დას .თამარმა მომწერა, რომ ტაქსის მძღოლი უცნაურად ელაპარაკებოდა…” – რას წერს ავარიისას გარდაცვლილი გოგონას და ?

2 იანვარს ღამით, წერეთლის გამზირზე, ავტოსაგზაო შემთხვევას ორი ადამიანი ემსხვერპლა – ტაქსით მოსარგებლე თამარ გერმანიშვილი და ტაქსის მძღოლი, იაგორ ენგიბარიანი. გავრცელებული ინფორმაციით, ორივე თელაველი იყო.

“გიმნაზია სპორტი” სამძიმრის სტატუსს აქვეყნებს:

“ვუსამძიმრებთ ჩვენი თანამშრომლის, თამარის ოჯახს და ყველა მის საყვარელ ადამიანს ამ უდიდეს ტრაგედიას.

ჩვენთვის დიდი ტკივილია თამარის გარდაცვალება.

თამარი იყო უსაყვარლესი, საოცრად მონდომებული ადამიანი, რომელიც ყოველთვის გვემახსოვრება.”

***

სულ ახლახან სოციალურ ქსელში, თამარის დამ, მარიამ გერმანიშვილმა პოსტი გამოაქვეყნა.

“23 წლის და მომიკლეს!
დიახ, მომიკლეს და ეს არ ყოფილა უბედური შემთხვევა.

საშინელი ერი ვართ.. ვინ მოგცათ იმის უფლება, რომ ჩემი დის ფოტოებს აფრიალებთ და თან ცრუ ინფორმაციას ავრცელებთ.

ბოლოს სიკვდილამდე ზუსტად 5 წუთით ადრე ველაპარკე ჩემს დას.
თამარმა მომწერა, რომ ტაქსის მძღოლი უცნაურად ელაპარაკებოდა, ამიტომ ვთხოვე ლოკაციის გაზიარება, რომ მენახა ზუსტად რა ადგილას იყო.
ეზოს ჭიშკართან მიყვანილი ბავშვი მომიკლა!
სახლთან როგორც კი მივიდა და დაინახა, რომ თამარის მეგობრები მანქანით იდგნენ, აღარ გაუჩერა მანქანა და მთელი სისწრაფით დაიწყო მოძრაობა.
ამ ყველაფერს ჩემი თვალით ვუყურებდი!

აბა, გაბედეთ და ვინმემ თქვით, რომ ეს უბედური შემთხვევა იყო.
ჩემი და მოკლეს და არც იფიქროთ არანაირ დანდობა.
ყველას გაეცემა პასუხი..
მკვდარსაც და ცოცხლებსაც ვინც ამ უნამუსოს დარჩა…” – წერს მარიამი ფეისბუქზე.

წყარო : Zmna.ge