ვინ არიან ულამაზესი ქართველი მოდელის მშობლები და ვინ არის მისი რჩეული?

სოციალურ ქსელში ვირუსულად ვრცელდება ვიდეო, სადაც ახალგაზრდა ქართველი მოდელი ტრადიციულ ქართულ სამოსში პოზირებს. კადრები თავდაპირველად TikTok პლატფორმაზე ფოტოგრაფმა ნატალია გოროზიამ გამოაქვეყნა. ვიდეომ 12 საათში 250 ათასზე მეტი ნახვა მოაგროვა – კადრებში მოდელი მარიამ სამხარაძე ჩანს. მას უამრავმა ადამიანმა ქართველი ანჯელინა ჯოლიც უწოდა.

მშვენიერი მოდელის გარეგნობამ უამრავი ადამიანი აღაფრთოვანა, თუმცა, გააჩინა ეჭვებიც მისი ეროვნების შესახებ – უამრავ კომენტარს წააწყდებით, სადაც წერენ, რომ მარიამი არ ჰგავს ქართველს. როგორც აღმოჩნდა, მასზე ისიც დაიწერა, რომ პლასტიკური ოპერაციები აქვს გაკეთებული – თავად მარიამ სამხარაძემ ამის შესახებ „რადიო ფორტუნასთან“ გააკეთა კომენტარი და აღნიშნა, რომ ვიზუალში არაფერი შეუცვლია:

„ყველაფერი ბუნებრივი მაქვს, არანაირი ოპერაცია არ გამიკეთებია, თმაც კი არ მაქვს შეღებილი, ბავშვობის ფოტოებიც მიდევს სოციალურ ქსელში“, – ამბობს ის.

რაც შეეხება მარიამ სამხარაძის ეროვნებას, ის ქართველია. ამბობს, რომ ორივე მშობელს ჰგავს – დედასაც და მამასაც, მაგრამ უფრო მეტად – ბებიას, რომელიც რუსია.

„ურთიერთობაში ვარ, დაკავებული ვარ. თაყვანისმცემლებიდან არავის ვპასუხობ. პირადზე დიდად საუბარი არ მიყვარს”, – ამბობს მარიამ სამხარაძე „რადიო ფორტუნასთან“ ინტერვიუში.