თბილისში 27 წლის ახალგაზრდა გარდაცვლილი იპოვეს – ცნობილია მიზეზი, რომელიც ტრაგიკული აღმოჩნდა

თბილისში ყაზახეთის 27 წლის მოქალაქე, ჩინგიზ მუსადილიოვი — პროფესიონალი მოკრივე სერიკ მუსადილიოვის ძმა – გარდაცვლილი იპოვეს. ბოლოს იგი 4 აგვისტოს ღამით, ქალაქის ცენტრში, ერთ-ერთ ღამის კლუბთან შენიშნეს, რის შემდეგაც მასთან კავშირი შეწყდა. ოჯახის წევრებმა პოლიციას მიმართეს.

6 აგვისტოს მედიამ გაავრცელა ინფორმაცია მუსადილიოვის გარდაცვალების შესახებ, რაც საქართველოში ყაზახეთის საელჩომაც დაადასტურა.

წინასწარი ინფორმაციით, მუსადილიოვი თბილისში, ჯავახიშვილის ქუჩაზე, სიმაღლიდან გადმოვარდნის შედეგად დაიღუპა.

გარდაცვლილის ძმა, სერიკ მუსადილიოვი, ყაზახეთის ერთ-ერთი ყველაზე პერსპექტიული მძიმეწონოსანია პროფესიონალ კრივში. მეტსახელად „პანდა“, მას ათზე მეტი პროფესიონალური ბრძოლა აქვს ჩატარებული, რომელთა უმეტესობაც ნოკაუტით დაასრულა.