ეზოში ჩხუბისას 35 წლამდე ახლაგაზრდა მოკლეს, ახლახანს, სად მოხდა შემთხვევა?
საინფორმაციო სააგენტო “ინფო რუსთავის” ინფორმაციით, დავით გარეჯის ქუჩაზე, ეზოში არსებულ ფანჩატურში ფიზიკური დაპირისპირება 10-მდე ახალგაზრდა კაცს შორის სუფრიდან დაიწყო, რა დროსაც ერთ-ერთმა 35 წლის კაცს დანით ჭრილობები მიაყენა.
დაშავებული სასწრაფო დახმარების ეკიპაჟმა ცენტრალურ საავადმყოფოში გადაიყვანა, თუმცა როგორც სამედიცინო დაწესებულების ქირურგიული განყოფილების ხელმძღვანელმა არჩილ ჭელიძემ განგვიცხადა, პაციენტს სიცოცხლესთან შეუთავსებელი დაზიანებები აღენიშნებოდა და, სამწუხაროდ, მისი გადარჩენა ვეღარ მოხერხდა.
“პაციენტს გულ-მკერდის არეში მარჯვენა მხარეს აღენიშნებოდა ნაკვეთი ჭრილობა. შემოყვანისას იყო უმძიმედ მდგომარეობაში და დაინტუბირდა. ავიყვანეთ საინფორმაციო ბლოკში. დაზიანებული იყო ფილტვი და გულის მარჯვენა ნაწილის დაზიანება აღენიშნებოდა. ჩარევამდე მოხდა გულის გაჩერება, იმ მომენტშივე სიცოცხლესთან შეუთავსებელი იყო ეს ტრავმები”, – გვითხრა ჭელიძემ.
მომხდართან დაკავშირებით განცხადება გაავრცელა შინაგან საქმეთა სამინისტრომაც. მათი ცნობით მკვლელობაში ბრალდებული დაკავებულია.
“შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, განზრახ მკვლელობის ბრალდებით – 1985 წელს დაბადებული ი.ბ. დააკავეს.
გამოძიებით დადგინდა, რომ ბრალდებულმა რუსთავში, 1989 წელს დაბადებულ დ.ს.-ს ურთიერთშელაპარაკების ნიადაგზე ცივი იარაღით გულ-მკერდის არეში ჭრილობა მიაყენა და შემთხვევის ადგილიდან მიიმალა. დაჭრილი მამაკაცი საავადმყოფოში გადაიყვანეს, თუმცა მისი გადარჩენა ვერ მოხერხდა.
ბრალდებული პოლიციაში მომხდარიდან მეორე დღეს თავად გამოცხადდა და ჩადენილი დანაშაული აღიარა. სამართალდამცველებმა ი.ბ. ბრალდებულის სახით დააკავეს.
გამოძიება სისხლის სამართლის კოდექსის 108-ე მუხლით მიმდინარეობს, რაც 15 წლამდე ვადით თავისუფლების აღკვეთას ითვალისწინებს”,- ნათქვამია განცხადებაში.
წყარო: ინფო რუსთავი
